ZALEN, August 24, 2025: India rama ritchawi pawl, Indian Weightlifting Federation (IWLF)-a hruaitu thar thlan zinga Mizoram atangin Malsawma Khiangte a tel.

Kum 2025-29 chhunga IWLF hruaitu tur thlanna hi Pathianni khan Crown Plaza Hotel, Ahmedabad, Gujarat-ah neih a ni a, Malsawma hi India ram puma executive member panga thlan chhuah zingah a tel a ni.

Bethlehem Veng, Aizawla cheng, Malsawma hi Mizoram Weightlifting Association (MWLA)-a general secretary ni lai a ni a, Sports & Youth Services (SYS) department-ah weightlifting coach a ni mek bawk a. MWLA-ah hian tun hmain finance secretary a lo ni tawh bawk.

IWLF hi kum 1935 daih tawha din a ni a, tunah hian member state/sports board 35 an awm mek a. Mizoram atang hian C. Rothianga chu kum 2008-12 chhung khan vice president a lo ni tawh a, ani hi a hmasa ber niin Malsawma hian a zui leh a ni.

IWLF inthlan zawh, Pathianni zan hian Commonwealth Youth leh Senior hawnna chu Ahmedabad-a Naranpura Sports Complex-ah neih nghal a ni ang.

IWLF HRUAITU 2025-29:

President: Sahdev Yadav, Uttar Pradesh

Vice President: Chhandan Roy Choudhury, West Bengal 

Vice President: N.Lakshmi, Andra Pradesh 

General Secretary: S H Anande Gowda, Karnataka 

Treasurer: Pardeep Sharma, Himachal Pradesh 

Joint Secretary: Sabina Yadav, Uttar Pradesh 

Joint Secretary: Chitra Chandramohan, Kerela

Executive members:

1. Malsawma Khiangte, Mizoram 

2. Mayur Patel, Gujarat 

3. Sudhir Mhlaskar, Maharashtra 

4. M.Shruti, Telangana 

5. Sipra Soni, Bihar