ZALEN July 4, 2026: International Congress 'The World Needs a Father' chu Duma, Russia ah neih a ni a. A buatsaihtute chu International Union of Fathers, State Dmitry Kuznetsov, World Association of Christian Parliamentarians an ni. An thupui chu 'chhungkua tihchak, pa mawhphurhnaa infuih leh hmanlai pipute kalphung chhawm nun zel' tih te an ni. June ni 26-27, 2026 chhunga neih he khawmpuiah hian Lok Sabha MP Richard Vanlalhmangaiha chu a tel.

Russia khawpui Moscow a International Congress 'The World Needs a Father' hmannaah hian Indian Parliament Member Richard Vanlalhmangaiha chuan thu sawiin kan pi leh pu atanga chin dan tha, chhungkaw inngeih leh pa mawhphurna la te pawimawhna a sawi a. Kalkhawmte chu chibai bukin India hmarchhak chu hnamzia a hausa, in unauna awm tha leh khawtlang nun pawh inpawh taka awm a ni tih a sawi bawk.

International Congress ah hian ram 20 chuanga Parliament member te, khawtlang leh sakua lama mi challang tak tak an tel a. Romanian aiawhte lo thleng chuan nghawng a nei lian bik hle a, sanction inphuarna avangin darkar 40 chuang kal nan an hmang a ni. An ram aiawha hotu Diana Shoshoake chuan President chu entirnaah hmangin hmanlai hmeichhia leh mipa tihbik tur kan bituk thin chu paihbo a, mipa dik tak kan chawilen a tul a ti. 

US Senator John Crane chuan Russian media nen an interview-naah chuan congress mite nena an inbiakna chuan hmanlaia chhungkaw inrelbawlna chu a tha a ti a, chhungkaw a mi zawng zawng an zia tha lai te inhlanchhawng zelin hmel inhmuh lohnaah pawh inpuitawn zel tur kan ni, a ti.

Ram 20 te chuan remna leh muanna tura tawngtaina Prayer for Peace an nei a. He congress in a hrinchhuah chu khawvel huap meeting Council on Shared Values neih a nih leh Charter sign a ni. Pa nihna leh chhungkua hi mitin in kan mamawh leh kan inpumkhatna pawimawh tak a ni tih an sawi. 

He khawvel pum huap inhmuhna hian ni hnih awhin, International Union of Fathers leh World Association of Christian Parliamentarians puihna a buatsaih a ni a. He meeting ah hian ram chi hrang Russia, India, the United States, Brazil, Romania, Pakistan, Kyrgyzstan, the Central African Republic, Germany, Luxembourg, Argentina, Ecuador, Peru, Ethiopia leh ram dang a an Parliament mi leh sa te, sakhaw mi te, an rama mi challang te leh an hnam aiawhte an kal khawm a ni. 

He inhmuhkhawm hian a tum ber chu chhungkaw nghet, pa ber rintlak, sakhua naa zalenna, rinna leh thil tha tih hi hnam lungpui nghet, upa te leh thalaite nena inzawmna siamtu leh ram leh ram inkara muanna thlentu a ni tih hi a ni.