ZALEN Dec 18, 2025: Nimin Chawhnu dar 2 vel khan District Jail, Lunglei atangin Raju Chakma leh Lakrahawia Chakma te an tlan chhuak a, ngawrh taka zawn mek an ni. 

Dist. Jail atanga tlanchhuak Raju Chakma hi Chawngte lam mi a ni a, POCSO Case avanga Jaila khung niin Lakrahawia Chakma hi Tuichawng khua, Scooty ruk thubuai avanga Jail a khung a ni a, tlak lampangah Jail compound hungnaah leihlawn dawhkaia lawn liamin an tlanchhuak nia hriat a ni. 

Jail tangten nimin chawhnu lama chaw an ei dawnah Rajua leh Lakrahawia te hi an awm ve lo tih hriat chhuah niin ngawrh taka zawn chhunzawm an ni a, Hauruang leh Phairuangkai lamah Jail tang tlanchhuak nia rinhleh hmu tu an awm tih sawi thawm a awm avangin dist. Jail thuneitute chuan helai chheh vel hi ngawrh taka dapin, nizan zan khuaa an zawn hnuah pawh chanchin buatsaih lai thleng hian Jail tang tlanchhuak mi pahnih te hi an la zawng hmu lo.

#ZalenNews