ZALEN Feb 18, 2026: Kashmir khawpui Srinagar leh a chhehvel zina thang mek Mizoram chanchinbumi, MJA member te chuan vawiin khan central hmalakna a din CSIR - Indian Institute of Interactive Medicine, Field Station, Bonera, Pulwama, Jammu an tlawh a, an hmalak dan te an lo hrilh.

CSIR - Indian Institute of Interactive Medicine-ah hian thlai chin bik neiin sum a chantir awlsam leh hlawk chi an ching ber a, tun dinhmunah Lavender chu an kalpui nasat ber niin, Rose, Tulip leh Rose Mary te uar takin an kalpui bawk.

Khawvel huapa manto chak tak Shraffon chu farmers te tan a chi hmuh a har tawh avangin hma an la nasa hle a, shraffon hi a chi Kg 1 ringawt pawh nuai chuang a nih thu CSIR-IIIM hotute hian an sawi.

Heng thlai an chin te hian rah tha a chhuah theih nan leh an vela Apple plantation te nen a zar an zo ho theih nan thlai rah tha zawk neih theih nan Khuai an khawi nasa hle a, hei hian rah tha tak a chhuah an ti a, Mizoram ah pawh thlai rah tha nei tur chuah Khuai khawi hi a pawimawh hle tih scientist te chuan an sawi.

#ZalenNews