ZALEN October 23, 2025: Congress Adviser Zodintluanga Ralte chuan Kawng chhiat vanga sawrkar bei thintu ten kawng chhia sawiseltute an man chu hriatthiam har a tih thu thuchhuah a siamah a tarlang.

Zodintluanga chuan, "Kawng a chhe em mai a, motor a let pheng phung a, a ngaihna a awm lo, kan nawrh ve mai loh chuan tia sawrkarah an harsatna sutkian theihna tura manganga nuarte chu kalphung thar sawrkar chuan an man ta mai si. Kawng tha pangngai pe sela chuan an nuar awm si lo," a ti.

Congress Minister hlui chuan, "Kawng siamna/enkawlna tura petrol leh diesel litre khat zela Cess/chhiah an lakte kha hmang mai sela kawng hi tha tur a ni," a ti bawk.