Aizawl: Naktuk chawhma dar 10:30 hian Mizo Students' Union(MSU) leh Aizawl City College Joint Students Union tang kawp chuan Mizoram sawrkarin Tribal Scholarship atana a tum ve tur 10% a pek phutin kawng zawh an tum niin thudawnna chuan a tarlang. Aizawl hmar lam, Chanmari leh chhim lam, Sikulpuikawn ah te innghak khawmin Vanapa Hall thleng an zawh ang a, kawngzawh tawpah hian resolution siam an tum a ni. MSU hruaituten Zalen an hrilh danin, “Nikum 2013-14 ah pawh khan Mizoram sawrkarin a tum ve tur 10% a pek loh avangin zirlai ten Scholarship hi kan dawng kim tawh lo a, zirlaite sum dawn kim loh hi a vaiin cheng nuai 730 vel a ni a, hetiang deuh bawk hi kuminah pawh a thlen leh kan hlauh vangin leh 10% hi pek ngei anih theihnan kawng zawh hmanga sawrkar hi nawr kan tum a ni,” an ti. %%%%%%%%%%%%%