ZALEN Oct. 31, 2025 : Tukin (31.10.25) dar 9 vel khan Keitum khaw daiah ruang chhar a ni.

Ruang an chhar hi Keitum Field Veng a mi Kapngenga a ni a. Nimin tukthuan eikhamah khan Keitum atanga km 5 vela hla, Tuichang thlen hma km 1 vela an huan, Fuan luikama feh turin an in atangin a chhuak a, zan thlenga a haw tak loh avangin a fate leh an makpa ten zing khawvar tirh atangin an zawng tan a.

Tukin dar 9 vel khan kawngpui kam maia an thlam hnuai Fuan luikawrah a ke rawn lawr hmu in a lo boral tawh a ni.

Kapngenga te thlam hnuaiah hian Fuan lui a luang tlang a, an thlam hi a rawih tawh deuh bakah kumin tuilian khan hrut chhia in chim lek lekin a awn tawh a, Thlam verandah hi a lo chim a, hei hi amah hian rap chimin a hnuai chiah, thlam hnuai a tui mal te chen velah tlalutin a nun a chan phah ta niin a lang.