ZALEN June 25, 2026: Chief Minister Lalduhoma hovin State Disaster Management Authority te chu vawiin khan CM Conference Hall-ah an thukhawm a, National Disaster Management Authority (NDMA) member Rita Massal chuan a rawn telpui.

Thutkhawmnaah hian Post Disaster Needs Assesment (PDNA) Report for 2021-2025 chu ngaihthlak niin 2021-2025 chhunga khuarel chhiatna avanga Mizoramin thil a hlohte chipchiara chhutna PDNA tarlan danin chhiatna thlentu lian zualte chu Cyclone Remal te, African Swine Fever te, ruah sur nasa leh leimin nasa te, kum 2025 kuma hmun thenkhata Sazu puang te an ni a.

2021-2025 chhunga Mizoram hloh (total damages) zat hi Cheng Vaibelchhe 656.76 niin a chhut a, Economic Loss hi vaibelchhe 634.35 hu a thlen niin a chhut a. A siam that leh vekna (overall recovery & reconstruction) atan Vaibelchhe 879.82 a tul niin a chhut a ni.

State Disaster Management Authority chuan Emergency Response Support System kalpui chhunzawm zelna tur te, kum 2024-25 chhunga district hrang hranga recovery & reconstruction Fund atanga hnathawh tur thlan chhuah 178, a vaia Rs. 11.44 Crore senna tur te, Search & Rescue hmanraw lei belhna tur te leh ASF State Specific Disaster-a puan zui zel chungchangte pawh sawi a ni

Disaster lama Mizoram mamawh hrang hrang Rita Missal hnenah hian an thlen bawk.

Meeting-ah hian Home Minister K. Sapdanga, PWD Minister Vanlalhlana, Health Minister Lalrinpuii, P&E Minister F. Rodingliana, Supply Minister B. Lalchhanzova leh DM&R Minister Prof. Lalnilawma leh official-te an tel a ni.