ZALEN, June 05, 2025: LPS Vision Production leh Youth Icon 2024 10 tangkawp chuan Inrinni zan hian tun hnaia khuarel chhiatna tuarte puihna turin Charity Concert an buatsaih dawn.

Concert hi LPS Studio-ah neih a ni dawn a, TV leh YouTube kaltlanga chhim theih tura ruahman a ni a. Zan dar 08:00-ah tan a ni ang.

Concert-ah hian Youth Icon 2024 Top 10-te an zai dawn a, hun hman chhung hian tanpui ngaite pui duh tan mipuite luan chhuahna hun siam a ni dawn a, sum hi QR code hmanga pek tur a ni ang.

Khaurel chhiatna tuartute puala vehbur khawnsakna tur concert hi LPS 1-ah leh LPS YouTube Channel-ah live-in pek chhuah a ni ang.

LPS leh Youth Icon 2024 Top 10-te chuan concert hi thlirsak theuh tur leh an phal ang tawka tanpui ngaite tana luang chhuak turin mipui an sawm.