November 22, 2023; Mizoram kohhran hrang hrangte member zat chu 11,48,766 an tling.

Mizoram sawrkar a Directorate of Economic & Statistic departmentin 'Statistical Handbook 2022' a tihchhuah a tarlan a nih danin, Mizoram Synod in member ngah berin member 6,18,854 an nei a, chung zinga 3,00,279 chu mipa niin hmeichhia 3,18,575 an awm a.

A dawttu, Baptist Church of Mizoramin member 1,73,952 an nei a, UPC (NEI) chu pathumna niin member 85,663 an nei.

Kohhran dang member neih dan chu UPC (Mizoram) 72,407, Salvation Army 62,645, ECM 47,151, Lairam Isua Krista Baptist Kohhran 36,049, Roman Catholic 22,416, Seventh Day Adventist 18,979 leh Isua Krista Kohhran 10,650 te an ni. Mizorama kohhran member zawng zawng zat hi 11,48,766 niin heng zinga 5,63,557 hi mipa an ni a, hmeichhia 5,85,209 an awm bawk.