ZALEN March 10, 2026: Nikum 2025 chhunga Mizoram police ten heroin an man zat chu kg 79.208 a tling.

Assembly session neih mek zawhna leh chhanna huna South Tuipui bialtu MLA Jeje Lalpekhlua zawhna home minister K Sapdangan ziaka a chhan danin, heroin bakah hian nikum chhung khan Methamphetamine kg 964.428 man a ni a, Crystal Meth kg. 38.801, Ganja kg. 64.267, Alprazolam kg. 4.74, Codeine kg. 273, Opium kg. 4.51 leh Caffeine kg. 3000 man a ni.

Ruilhhlo man te hi ND&PS dan in a phut angin district tin a District Drugs Disposal Committee ten an enfiah hnuah an remtihna in district hrang hrangah tihral thin a ni a. La tih ral loh te chu district tin a designated police malkhana ah dah that a ni a, heng dahthat te pawh hi District Drugs Disposal Committee in a enfiah a rem a tih veleh tihral leh a ni ang.

#ZalenNews