ZALEN March 8, 2026: Mizoram sawrkar chuan kum 2024 atang khan buhhum a lei tan a, hriat theih chinah Kg 4,15,662 lei tawh a ni.

Assembly session neih mekah Lawngtlai West bialtu MLA C.Ngunlianchunga zawhna ziaka chhangin Agriculture Minister PC Vanlalruata chuan buhhum hi mi 107-te hnen atangin lei a ni tih a tar lang.

Buhhum leite hi enchhin nan eng emaw zat her a ni a, a herna (mill) neituin a hralh sum atangin kg khat Rs. 15 hisapin sawrkarah a chhungl ut leh dawn tih a sawi a. La her loh erawh kumina buhhum lakkhawm mekte nen ration dawr kaltlangin sem chhuah leh tura ruahman a ni tih a sawi bawk.

Agriculture minister chuan buhhumte hi OM-OM Modern Rice Mill, Pangbalkawn godown-ah dahkhawm an ni tih a tar lang bawk.