ZALEN August 14, 2026 : Aizawl Traffic SP chuan vawiin khan two wheeler khalhtute tan bik hriattirna a tichhuak.

Traffic SP chuan kawng zim deuhah two wheeler khalhtu thenkhat ten an lane pawnah an tlan thin a. Traffic jam lai pawhin anmahni tawk zawnga lokalte tlan theih lohna turin four wheeler sirah an va din thuah thin a, hei hi anmahni tawk zawnga lokalte chanvo (Right of Way) palzutna, traffic jam siamtu leh traffic rules bawhchhiatna a nih thu an tarlang.

Keimahni tawk zawnga lirthei lokalte an tlan theih dawn loh chuan four wheeler hnungah mahni lane-ah din mai thin tur a ni a, line marking a awm loh pawhin kawngpui zatve hi lehlam atanga lokalte chanvo a ni tih hriat reng tur a nih thu SP chuan a sawi bawk.

Aizawl khawpuia lirthei khalhtu leh kawngpui hmangtu zawng zawngte kan lo him tlan zawk nan Traffic Rules tha taka zawm a, lane driving ngai pawimawh theuh turin kan inhriattirin kan inngen e a ti.