Aizawl; Lirthei in khu a pekchhuah mihring tan a him leh him loh enfiah hna 'Pollution Under Control Certificate' chu Mizoram Pollution Control Board, Transport Department leh Traffic Police ten an thawk mek. A ni thumna nimin thleng khan lirthei 3000 vel endik a ni tawh. Lirthei enfiah zingah PUCC paltlang zolo engemaw zat an awm a, heng te hi an lirthei siamthat nan ni 7 chhung hun pek an ni. Lirthei endik hna hi Aizawl khawpui chhung hmun 5- Mizoram Pollution Control Board Office Tuikhuahtlang, New Secretariat Complex, Ngaizel, Zemabawk leh Bawngkawn ah te neih a ni a, naktuk ah pawh enfiah hna hi chhunzawm leh a ni dawn a ni.