ZALEN June 24, 2026 : Thawhtanniah khan Sekhum khaw chhungah Maruti Eeco Van (AS 01 GJ 6605) chesualin culvert-ah a tla a. Lirthei chesual tanpui tumtute chuan zu a phur ngei nia an hriat avangin Lunglei Police te an hriattir.

Lunglei Police te hian Sekhum hi pan nghalin, lirthei khalhtu Debojit Bhattacharjee (26) Assam a cheng nia inchhal chuan zu te hi ama ta ngei a nih thu a puang a. An zu man te hi McDowells Rum um 99 (74.25 litre) niin, Rs.1,18,800/- man hu a ni. 

Zu neitua puh Debojit Bhattacharjee chu Police te hian an man nghal a, LLI PS C/No. 61/26 Dt.22.06.2026 u/s 6(1)/7(3)/14 MLP Act a thubuai ziah luh nghal a ni.