December 17, 2023; Nimin (16.12.23) a hmun hnih a two wheeler chesualah mi 3 in nunna an chan.

Nizan dar 7:20 vel khan Thuampui, Aizawl kawnga Aprilia scooter leh pick up truck insuah mi pahnih an thi a.

Aprilia scooter khalhtu hi Henry Lalnithanga, (29) s/o Hruaituliana, Sialhawk khua, tuna Bawngkawn Lunglei road-a cheng mek niin a mi phurh hi David Beckham (13) s/o Lalthansanga, Bawngkawn veng a ni a. Chetsualna thlen hnu hian scooter a chuang pahnihte hi Greenwood hospital panpui niinṭ damdawiin thlen hma hian a khalhtu Henry Lalnithanga a thi a, a mi phurh David Beckham-a pawh hi zan dar 12:55-ah a hliam tuar lovin a thi ve bawk a. Pick up khalhtu hi man nghal a ni.

Nimin vek tlai dar 4 vel khan Kolasib District chhung Phainuam khaw bul, Buarchep lei-ah bike pakhat tlan liamin, bike khalhtu leh a neitu Daniel C. Lalrinawma (33) h/o Baby Zonunsiami, Aizawl Kanan Venga cheng chuan hliam na tak tuarin hemi hnu hian Vairengte Community Health Centre (CHC) ah lak a nih hnuin, tlai dar 5:55 vel khan Vairengte CHC ah hian a hliam tuar lovin a boral a ni.