ZALEN May 15, 2026 : Nizan dar 12 vel khan Aizawl Chanmari Venga Bike leh Scooter intaipalhah Zonuntluangi, kum 23, Thingsulthliah khaw mi a thi.

Thu dawnnain a tarlan danin Nizan dar 12 bawr vel khan Zarkawt atanga Chanmari lama tlan Scooter leh Chanmari atanga Zarkawt lama tlan Interceptor bike-te chu Ch. Saprawnga building tualah an intai palh a.

He chetsualnaah hian Scooter hnunga chuang Zonuntluangi (kum 23), Thingsulthliah, tuna Samuel Hostel, Chanmari West-a awm mek chu a hmunah thi.

Zonuntluangi hi Cafe -ah a thawk a, a hnathawk bang haw lamah vanduaina hi a tawk tih kan thudawnna chuan a sawi, a ruang hi Aizawl Civil Hospital-ah postmortem tura tih a ni a, vawiin chawhnu dar 2:00 ah an khua Thingsulthliah-ah vui tura ruahman a ni.