ZALEN September 15, 2026: Mizoram Lok Sabha MP Richard Vanlalhmangaiha chuan vawiin khan Aizawl Press Club-a tlawh a, MP a nih hnua a hmalakna hrang hrangte tanglangin, Mizoram chhunga school 94 te hnenah MP fund a pek tawh thu a sawi.

Richard Vanlalhmangaiha chuan a social media kaltlangin dilna siam theih a nih thu a tarlan atangin diltu thahnem tak an awm thu a sawi a, a tum dan chuan school 150 vel pek tumin hma a la a, mi 94 hnenah pek turin tihfel a nih tawh a ti a, thenkhat hi chuan an dawng tawh ang a, an account-a la lut chiah lo pawh an awm a ti a, Nakum lamah pek chhunzawm a nih tur thu a sawi.

Lok Sabha MP chuan zirna a ngaih pawimawh thu sawiin, school te tan a fund chu thil tha tak tur nia a ngai a, tuna fund atanga a sum pek pawh hi an mamawh ang zelin a pe a, a tam ber chu 2,50,000 pek an nih thu a sawi a, nuai 5 leh nuai 10 pek te pawh an awm a ti.