ZALEN Feb 11, 2026: H Hmangaihsanga (54), Nghalchawm chu an lui kalna-ah chesualin a thi.

ZALEN thudawn danin, H Hmangaihsanga leh a thiante hi nimin Thawhlehni khan Sangha man tumin Tlawng luiah an kal a, zan lamah Sangha a chhuak duh zawk nia an hriat avangin zan lamah an che chhuak a ni.

H Hmangaihsanga hi puk pakhatah lutin, puk chhungah hian a chesual palh a, a chhuah mai loh avangin a lui kalpuite hian an ngaihven a, an hmuh chuan a lo thi tawh a ni.

Vanduaina tawka boral H Hmangaihsanga hi tui thiam tak niin, Tlawng lui a tui tla an awm a zawn a ngaih chang a hma hruai thin, pa tlawmngai tak a ni.

A ruang hi nizan khan tlaivarpui a ni a, vawiin chhun dar 12 khan vui a ni.

#ZalenNews