ZALEN February 5, 2026: Mizoram State University Demand Committee Lunglei chuan vawin khan MJA Committee Room-ah thut khawm na neiin Mizoram State University Lunglei a dah a nih ngei theih nan a hmalak chhunzawm zel dan tur an rel.

He hun hi Johan Lalhmangaihzuala Ralte chuan a kaihruai a,  Demand committee chuan Kohhran hrang hrangte tawngtaipui tura sawm bakah State University chungchanga Press Conference neih ngei nise tha an ti tlang a, a rang thei ang ber a chhim lam MLA te pawh State University chungchang a chak zawk a hmalak pui tura ngenna siam an tum a ni. 

November 20, 2025-a HPC Conference Hall-a Chief Minister Lalduhoma’n Mizoram State University Lunglei-ah din a nih tur thu leh Aizawl lama dah tura dan an lo siam tawh tih danglam a nih tur thu a sawi chu Demand Committee chuan Assembly Session hmasa berah State University Bill thar pu lut a, pawm turin Mizoram Sawrkar ngen nawn leh tha an ti a.

Mizoram State University Demand Committee Lunglei chuan an hlawhtlinna hmel, a taka hmuh a nih hma chuan State University chungchang hi a tawp thleng a vil chhunzawm zel an tum.