ZALEN, May 30, 2026 : Mamit District Legal Service Authority buatsaihin May 22 leh 25 khan Mamit district-a zirna in pahnihah NALSA JAGRITI Scheme hnuaiah naupangte dikna leh zalenna humhalh chungchanga hmalakna 'Awareness Programme on POCSO inzirtirna hun hman a ni. 

Tuidam High School-a hun hmanah H. Vanlallawmzuala, Advocate chu resource person niin Sihthiang Synod Home Mission School-ah Lalramliana, Advocate chu resource person atan hman a ni bawk.

Resource person-te hnen atangin POCSO Act inzirtirna bakah mipat hmeichhiat hleilenna laka naupangte venhim dan tur inzirtirna neih a ni.

Sikul pahnihah hian naupangte hriat tur hrang hrang a sawi bakah dan chungchanga zirlai leh zirtirtuten zawhna an neihte chu an chhang bawk a ni.