ZALEN May 3, 2026: Chief Minister Lalduhoma chuan, “Manipur leh Chin Hills lamah Mizo nihna chungchangah harhtharna a thleng mek a ni,” a ti.

Zirtawpni zan khan chief minister hian Thenzawl Auditorium-ah Serchhip Sub-Headquarters YMA Inkhawmpui a hmanpuinaah, “HPC-D (LF) ten ralthuam an tun tak avangin Mizoramah hnam pual hel pawl an awm tawh lo a. Hengte hi YMA thawhrah a ni a, a lawmawm hle,” a ti.

Thalaite fuihna thu sawiin chief minister chuan thalaite chu chhungril nun siam thaa ruihhlo laka fihlim tur leh ram dang officer-te el pha tura national level competitive exam-te hmachhawn tam turin a fuih bawk.

A bial chhung hmasawnna hrang hrang tar langin Thenzawl Peace City Project leh SASCI Green Field City ruahmanna kalpui mek a ni a. Thenzawlah rel a luh thlen theih nan hmalak mek a nih thu te, Biate PWD Sub Division thar hawn a ni tawh a, Artahkawn leh Biate inkar kawng, Tuipui lei leh kawngpui dangte siam that hna thawh a ni dawn tih te a sawi.