Aizawl: March 2021 chhung khan Mizoram pumah lirthei 3160 register a ni a, chhiah (tax) Rs. 3,88,17,120 hmuh a ni tih Ministry of Road Transport & Highway chuan a tarlang.

Mizorama District Transport Office zingah Aizawl DTO chu lirthei register tam ber leh tax hmu tam ber a ni a, lirthei hi 2143 register-in tax Rs. 2,33,87,040/- an hmu. Aizawl dawtah Lunglei DTO awmin lirthei 279 an register a, tax pawh Rs 35,96,367/- an hmu. Champhai-ah lirthei 231 register leh tax Rs 33,71,880/- hmuh a ni a, Kolasib DTO-ah lirthei chi hrang hrang 167 register a ni a, hemi chhung hian chhiah Rs. 31,77,465 an hmu a. Lawngtlai-ah lirthei 124 register in tax Rs 18,36,198/- an hmu tling ve bawk. Siaha ah lirthei 68 ziahluh niin revenue 12,91,901/- hmuh a ni. Serchhip-ah chuan lirthei 106 ziahluh a ni a, revenue Rs 14,78,929/- hmuh a ni bawk. Mamit chu lirthei ziahluh tlemna ber a ni a, lirthei 42 ziahluh chauh a awm a. Revenue an hmuh hi Rs 6,77,340/- a ni.