ZALEN February 26, 2026: Tanhril Local Council leh ALL NGO Meeting chuan Marina Lalchhanchhuahi tuathihna kal zel chungchangah RL Peka (L) nupui Latanpuii'n High Court-ah sawrkar leh Khawtlang hruaitute laka case siam sak a dilna chu Social Media kaltlanga hmuh leh hriat a ni a. He thu hi Tanhril Local Council leh All NGO (25 February, 2026) thukhawm chuan a ngaithu takin pawi a ti a, Zoram mipuite hnenah thil thlen dan dik tak puan chhuah tulin an hria a, hetiang hian thuchhuah a siam.

1. Marina Lalchhanchhuahi tualthihna chungchang hi a tir atangin Mizoram Police ten ngawrh taka an chhui avangin an hnu chhui tibuai thei zawnga hmalak teh thuchhuah reng reng Tanhril Local Council leh All NGO thukhawm chuan neih loh tha a ti a, he tualthihna tuartu leh pawikhawihtu ni a rinhlelh hi Tanhil khua leh tui an nih avangin fimkhur taka hma la in, thu belhchian dawl lo leh khual thuthang, boruak tipunlun thei laka inveng reng chungin hma a la thin a ni. Hnu chhuitu kan Police ten thahnemngai taka hma an laknaah chhuanawm kan ti hle.

2. January nl 27 (Thawhlehni) a Mizoram Police in Marina-i tualthihna chungchanga Press Statement a chhuah zan khan veng mipui pungkhawm thìnrim khap daih tumin, boruak muanawm taka kalpui tumin palai hna khawilang hruaitute hian an thawk a, vawi tam ban pharin insum hram hram turin mipui an agen a, mipui thinrim zawng zawng khap dai thei lo mah se, Pu RL. Peka te in luahlai leh an bungrua te pawh him dam taka vengin, bungraw thiarchhuah ni pawhin veng ramri thlengin an thlah liam thlap a ni.

3. Pawi khawih ve lo ten an tawrh hlaua nasa taka ban an phar avanga sawiselna, diriamna leh rilru hliam pawh a dan fel hmaa an hmangaih tak leh duhsak taka tualthihna tuartu chhungte mitmei pawh veng hleithei lova, an dawm hram hram ten an rawn khing let ta mai leh mipui thinrim thil tiha a huaihawitu leh a mei rang hlaptu ang maia puh kan ni hi kan pawm dam theỉ lo va, a tawp thlengin Tanhril khawtlang hi kan kal zel dawn a ni

4. Tin, January ni 27 zana thil thiengah hian Pu RL Peka chhungte sahimna tur ngaihtuah a ni a. Hemi zan pawh hian Tanhril Local Council kaihhruainain All NGO Emergency Meeting neih a ni a, hetah hian pawl aiawhte kan tel vek bawk a ni. Kan thuchhuak leh rorel pawh a hunlai mil zela pawikhawihna leh tharum thanhoa pun lun tur venna atan leh mipui thinrim sosang lutuk ben daihna atan tih leh rel a ni.

Hetianga dik lo taka min pulna hi Tanhril Local Council leh All NGO chuan a taawp thlengin kan do zel dawn a ni.