Aizawl: Nimin khan LAD Minister PC Lalthanliana chuan Mizo Upa Pawl, Zotlang (Lunglei) Unit dincham vawi 39 na a hmanpui a, "Kum lam upa te hi an hlu a, kan chawimawi thiam zel a pawimawh a ni," a ti. Minister chuan kum lama upate chu sawrkarin duhsak em em mah se sum harsatna a awm thin tih a sawi a. Sawrkarna an chan hnuin FCI lamin buhfai man vawi 8 a tisang tawh nia sawiin sawrkarin thla tin cheng Vaibelchhe 10 chawi belhin ration buhfai a sem tih sawiin, “Mipuiten sawrkar tan kan tih ve theih tawk kan tih laiin sawrkar pawh hian kan ram sum leh pai dinhmun siam that kan tum a ni,” a ti. MUP Zotlang Unit hian member 193 a nei mek. %%%%%%%%%