ZALEN Nov. 7, 2025 : Vawiin (7.11.25) chawhnu dar 1 khan CYMA Committee room-ah CYMA hruaitu thlan thar leh Mizoram Journalist Association te chuan inkawmhona an nei.

"Naktuk Inrinni hian National Highway 306 kawngchhia enfiah turin mi 30 kan kal dawn a. Truck neitu pawlte pawhin court lamah an manganna an thehluh hnuah pawh kori a tu vak lo a. Kan sawrkar minister rual pawhin an kal chilh pawhin awmzia a nei thei lo a. CYMA anga hmalak a tul niin a hria a, kawng siam enkawltute an ti tha tawk lo nia kan hriat chuan lo inthiarfihlim turin kan nawr te pawh a tul mai thei," tiin CYMA President R. Lalngheta chuan a sawi.

MJA President C. Lalrambuatsaiha chuan, Ruihhlo hluar ta lutuk leh thalai nunna nasa taka a suat mek chuan rilru a tih nat thin thu a sawi a. Khawtlang siamthat leh ram rorelna khalh dik tu-ah pawh YMA chu pawimawh a tih thu a sawi. Thiam thil (skill) chu thalaite tlakchham anih vangin tan lak a ngaih hle thu a sawi bawk.

#ZalenNews