ZALEN July 29, 2026: Mizoram Government Adhoc Aided High School Teachers' Association (MIGAHTA) te nawrhna chu zirlaite hmakhua hriltu leh zirlaite khawih thil a nih avangin MZP chuan palai hna a thawk a, vawiin khan Education Minister Dr Vanlalthlana pawh MZP Pisa Pui-ah a leng a, MIGAHTA te thil ngiat leh an nawrhna chungchang te an sawiho.

Mizo Zirlai Pawl (MZP) chuan Mizoram Government Adhoc Aided High School Teachers' Association (MIGAHTA) tena an School provincialised tura an nawrhna chu zirlaite zirna-ah nghawng thalo a neih theih avangin an ngai thutak a. MIGAHTA leh Sawrkar lam te an inbiak fel vat theih an beisei a, zirlaite zirna-in a tawrh loh na turin Palai hna thawkin a theih ang angin hma lak chhunzawm zel an tum.

Vawiin chawhnu khan hemi chungchangah tho hian Adviser to CM (Political) Lalmuanpuia Punte, MLA hovin Mizoram Government Adhoc Aided High School Teachers' Association leh MZP te chuan MIGAHTA te harsatna tawh leh an thil phut te sawihona an nei bawk.