ZALEN February 6, 2026 : MSU General Headquarters Executive Committee chu vawiin khan neih a ni a. Meeting ah hian Hnam dang Mizo hming hawha sumdawng te chungchang ngaihtuahho a ni a, na taka hmalak an rel.

Meeting hi President B.Lalkhawngaihzuala chuan Chairman niin a kaihruai a. Hnam dang Mizo hming hawha sumdawng Mizoram-ah an tam tak em avangin, MSU in na taka hmalak nise tha a ti a.

Hnam dang dan nilova sumdawnna kalpui leh thurualpui Mizo tam tak an awm chu MSU chuan pawi a ti a. Heng ho hi hnam chimralna meichher chhikaitu an nih avangin, a dodalna kawngah theihtawp chhuah turin Mizo mipuite pawh MSU chuan a sawm a ni.