ZALEN, November 08, 2025: LBS Suzuki chuan Mizo Idol Emmanuel Lalremruata hnenah Suzuki scooter (Burgman) Inrinni khan a hlan.

Scooter hi Mizo Idol Season 8-a pakhatnain lawmman a dawn tur zinga mi a ni a, Idol-in ama duh ang ngei a thlan theih nan Ningani zana Grand Finale-ah khan hlan nghal lovin a hnuah a duhthlan hlan a ni.

Mizo Idol hnena scooter hlanna hi LBS Suzuki Showroom, Bawngkawn-ah neih a ni a, LBS Group Managing Director Malsawmtluanga chuan Mizo Idol Season 8 hnenah hian chabi a hlan a, scooter lei ruala sum sen ngai, registration, insuarance leh accessories te an tihsak vek dawn tih a sawi.

LBS Suzuki hnuaiah hian thalai tam tak an thawk a. Mizo Idol bakah Mizoram thalaite hmasawnna atan inphal takin an lo luangchhuak tawh thin a. Tun tumah pawh hian LBS Group chuan Idol Top 10-te TITAN sana an pe theuh bawk.

Mizo Idol Season 8 hnena scooter hlannaah hian Zonet TV Pvt. Ltd. Advertisement Manager T. Laldingliana bakah Mizo Idol top 10 ten an telpui a.