ZALEN, August 05, 2025: LPS Vision Production buatsaih, Mahindra XUV 3-XO Mizo Talent first round intihsiakna chu Thawhlehni zan dar 08:00 atangin LPS Arena, Falkland-ah tan a ni dawn ta.

Mizo Talent intihsiakna hi LPS 1-ah live-a pek chhuah a nih dawn bakah LPS YouTube channel-ah member-te ni tan a en theih ang.

Thiam bik thil hrang hrang pho chhuahna tur intihsiaknaah hian zai leh lâm bakah instrumental music, magic show leh acrobatic-a theihna neite an inlan dawn a. Pakhatnain Rs. 2,00,000 a dawng ang a, a titha pathum zinga mi dang pahnihin Rs. 50,000 ve ve an dawng ang a. A thiam 10 zinga lang mi pasarih dangten Rs. 10,000 theuh an dawng bawk ang.

Judge pali - Mapuia (FTH), Victor-a, Rosie leh Nutei Pautu ten an endik dawn a, show hmuhnawm leh ngaihven hlawh tak a nih an beisei a ni a. LPS Vision leh pawn lama inkhawm kaihhruai thiam lar tak, Hruaitei'n a host dawn a ni.