ZALEN May 31, 2026 : Mizo zinga mathematics subject-a PhD nei hmasa ber Dr. LN Tluanga chu vawiin chawhnu dar 3 khan Aizawl Hospital & Research Centre-ah a thi 

Dr. LN Tluanga hi kum 1933-ah Bukpui khua ah a piang a, Sialsuk leh Aizawlah lehkha a zir. Scottish Church College aṭangin 1955 khan BSc a zo a, mathematics subject-ah distiction-ah a pass. BSc a pass hnu ah sikulah kum khat thawkin MSc a zir chhunzawm a, kum 1974 -ah Gauhati University hnuaiah PhD zoin Mizo zinga mathematics subject-a PhD nei hmasa ber a ni. 

Mizoram sorkar Education director hmasa ber a nih bakah Science tihhmasawnna kawnga nasa taka thawktu niin, Mizoram Science Society chuan a vawikhatna atan, May ni 13, 2026 khan Dr LN Tluanga hnenah hian ‘Science Award’ hlanin, Award hi Aizawl Hospital-ah MSS hruaituten kal chilhin an hlan a ni.

Dr. LN Tluanga hi Mission Veng Presbyterian Kohhran Upa a ni, a ruang hi zaninah lumen tur niin, naktuk June ni 1, 2026-ah Mission Veng Biak Inah vui tur a ni.