ZALEN September 30, 2026: Sericulture Director Lalrinawma chuan vawiin khan Muga pangang chi fir tha (Basic seed) Mizoram atanga siam chhuah natna 200 laka him (200 disease-free layings) chu phailama thawn chhuah turin a vai liam.

Heng Muga pangang chi fir tha 27,000 vel tur hi khawipun turin Narayanpur, Assam-ah leh Rompara, Meghalaya-ah te thawnchhuah a ni.

Muga pangang te hi Nipui lai hian phai khaw lumah khawi hlawhtlin a harsa a. Mizoramah chuan nipui laiin khawi hlawhtlin a ni ta fova; tun tumah pawh hian August-ah Thenzawl P3 Mugafarm atangin khawi hlawhtlin a ni leh a. Khawi pun zel atan Central Silk Board Office, Mizoram chuan muga pangang tui te a siam a, a siam chhuah atanga pangang tui thenkhat chu phai lamah mamawhna a san avangin Assam leh Meghlaya ah te thawn chhuah a ni ta a ni.

Central Silk Board hnuaiah hian Muga pangang bikah pangang tui siam chhuahna unit hi North East State-ah hmun 14 ah a awm a. Mizoram hi unit khat niin kumin 2026 atanga tan a ni. 

Kumin nipui lai hian unit 14 atangin unit tlemte chauhin Muga pangang te an khawi hlawhtling thei a, chung zingah chuan Mizoram hi a tel a ni. Muga P3 Unit, Thenzawl a awm hi kumin 2026 atang hian a function tan a ni.