ZALEN September 17, 2026: Mizoram atanga Bar Council of Assam, Nagaland, Mizoram, Arunachal Pradesh, Nagaland & Sikkim Executive Member hmasa ber ni turin Linda L. Fambawl chu ruat a ni.

Supreme Court-in August ni 4, 2026-a Writ Petition (Civil) No. 581 of 2024 (Yogamaya M.G. Vs Union of India & Ors.) leh Writ Petition (Civil) No. 1060 of 2025 a thutlukna a siam angin, State Bar Council-ah hmeichhe member pahnih nomination leh co-option chungchang sawiho turin Gauhati High Court Chief Justice Ashutosh Kumar chuan Assam, Nagaland, Mizoram, Arunachal Pradesh leh Sikkim Bar Council elected member zawng zawngte meeting-ah a ko.

He meeting-ah hian State Bar Council-ah hmeichhe member pahnih dah/thlanna tur chungchang sawiho a ni a. Hemi hnu hian Mizoram atangin Linda L. Fambawl chu Executive Member atan ruat a ni ta a ni.

Linda L. Fambawl chuan kum 2005 khan Campus Law Centre, University of Delhi atangin LLB a zir zo a. Kum 2008-ah Assistant Public Prosecutor (Asst. PP) leh Assistant Government Advocate (Asst. GA) atan Aizawl-ah a thawk tan. Kum 2012-ah Gauhati High Court, Aizawl Bench-ah Government Advocate (GA) leh Additional Public Prosecutor (Addl. PP) atan a kai chho.

Kum 2024 atanga vawiin thleng hian High Court-ah Additional Advocate General (Addl. AG) leh Public Prosecutor (PP) atan a thawk mek a ni.

source - (www.jclalnunsanga.in)