ZALEN September 15, 2026: Mizoram Lok Sabha MP Richard Vanlalhmangaiha chuan kum 2 leh a chanve chhung Member of Parliament a nih chhungin Mizoram-in a hmuh tur a huna hmuh loh fund tang cheng vaibelchhe 818 (668+150) vel a nawrchhuah tawh thu a sawi.

Vawiina Aizawl Press Club a tlawhnaah Lok Sabha MP chuan MP Fund piah lamah Mizoram tan sum haichhuah dan a dap thiam tan tih a sawi a, tunah pawh Misistry of Tribal affairs lamah cheng vaibelchhe 3 vel chu hmuh theih a beisei thu a sawi a, Ministry dangah pawh fund haichhuah dan tur a ngaihtuah a, fund hmu tur hian minister mai ni lo, official te nen inkungkaihna tha siam a tul a, MP Fund a neih aia tam haichhuah theih a inbeisei thu a sawi bawk.

Richard Vanlalhmangaiha chuan MP anih chhung hian Mizoram hmuh tur pawisa tang cheng vaibelchhe 818 (668+150) vel a a nawrchhuak tawh a ti a, heng zingah cheng vaibelchhe 150 hi PMGSY atanga sum dawn tur, PMGSY liability avanga khar tawh Chapter 1 chu a hawn tir leh avangin hetiang zat sum hi hmuh let a nih thu a sawi. Cheng vaibelchhe 668 dang erawh hi chu department hrang hrang sum hmuh tur a nih thu a sawi bawk.

Mizoram Lok Sabha MP hi Joint Parliament Standing Committee on Defence member a nih bakah tun hnai khan Joint Parliamnet Standing Committee on Finance member-ah ruat leh a ni a, BRICS Cultural Forum President atan tun hnai mai khan ruat a ni leh bawk.