ZALEN September 24, 2026: Chief Minister Lalduhoma chuan vawiin khan a office-ah Mizoram State Human Rights Commission Chairperson leh member-te a kawm.

Chief Minister hian lawmpuina leh an kal zelna tura duhsakna a lo hlan a. Hna an thawhna atana an mamawhte sawipuiin, an mamawh zualpuite chu a ranglama ngaihtuah a nih tur thu a hrilh a ni.

Chairperson Justice Marli Vankung, Former Judge, Gauhati High Court, chuan Mizoram State Human Rights Commission hmasaber atana sorkarin a ruat avangin Chief Minister hnenah hian lawmthu a sawi a. Phur taka thawh an tum a, Complaint pawh pathum an dawn tawh thu a hrilh.

Commission thar a nih avangin thawktuah leh hmanraw lamahte mamawh eng eng emaw an nei a, lawmthu rawn sawi pahin chung an mamawh zualpuite an rawn thlen a ni, a ti a. Inkawmna hun tha tak a buatsaihsak avangin lawmthu a sawi a ni.

Mizoram State Human Rights Commission Chairperson Gauhati High Court Judge hlui Justice Marli Vankung, member Vanlalenmawia, MJS (Rtd.) leh K. Lal Nghinglova, IAS (Rtd.) te hi kumin July ni 29 khan Mizoram Larsap General (Dr) Vijay Kumar Singh, PVSM, AVSM, YSM (Retd) chuan rinawmna thu tiamtirin a lalut a ni.