ZALEN, August 22, 2025: Mizorama Vespa scooter leh Aprilia two-wheeler zuartu, CK Cars, Bawngkawn, Aizawl chuan boruak nei lian hman hle mah se eng emaw lai aṭangin an tla hniam tih an pawm a. A chhan hrang hrang awm thei zingah an lirthei zawrh leh Mizote duh dan a inrem tawk loh vang bakah chhung lama an inrelbawlna siam that an mamawh tih an hria.

CK Cars chuan hma lam pan thar leh tumin tun hnaiah sales lama hma an lak dan leh service an kalpui dan an thuam tha a, Mizote tan Aprilia SR 175 chu a that dan leh a man ngaihtuahin lei chi tak a ni thu an sawi.

Mizo mipuiin man to si lo, chak tha, tlo leh chuan nuam an duh a, chutiang nen chuan Aprilia SR 175 a inmil hle ang tih an ring a, Rs 1,51,912-in showroom atangin a lei chhuah theih a ni.

174.7cc a ni a, power pawh 13.08 hp@7200 RPM niin, petrol litre 6 thun theih a nih avangin scooter dang aiin a dawng hlawk bawk.

Scooter-a pawimawh tak, a brake a tha a, a hma lam 220mm disc ABS niin a hnung lam erawh 140mm drum a ni ve thung a. A khalhtu tan hmuh awlsam turin instrument cluster 5.5 inch TFT display a awm a, Bluetooth hmanga thlun zawm theih, navigation tha tak bakah phone nena thun zawm theih a ni tel.

February thla khan India ramah speed bike ngainatute ngaihven hlawh, Aprilia Tuono 457 an tichhuak bawk a, Mizo thalaite pawhin an hmelhriat viau a, Rs 4,49,905-in a lei theih.

Kum hnih thum kal ta atangin motorcycle intlansiak sang ber, MotoGP-ah Aprilia bike-in hma a sawn tih chiang takin a lang a, dawhsan luah fovin intlansiakah pakhatna an nih chang a awm a, hei hian sumdawnna lamah pawh an dinhmun a chawi kang.

CK Cars chuan khawthlir thar neiin hna an thawhna peng hrang hrangah anmahni dawrtute tan awlsam leh rintlak zawk nih tumin ke an pen thar leh mek a. An two-wheeler zawrhte pawh Mizo mipuiin tunhmaa an sawisel thin ang ni tawh lovin, belhchian dawl zawkin a rawn chhuak thar tih an sawi ngam.