ZALEN July 22, 2026: MNF chuan vawiin-a Mizo thalai rualin an dikna chanvo humhalh nana huaisen taka an penchhuak hi lawmawm tiin an thlawp an ti. Zirlai ten an chanvo thuneihna hmanga rahbeh sak an duhlohna leh hemi avanga tuartute thlavang an hauh sak hi an tih tur dik tak an ti ah an ngai a, huaisen taka thu dik tundinna tura pen zel turin an chah bawk a ni.

Thalai rual pungkhawm hian thuneihna hmang sual a, thil diklo ti thin te hi an hua a, an do dal a, ngampa taka an tal chhunzawm loh nan a t idik lo te hrem leh a tuartute zangna dawmna pek an ngiat hi thil tih makmawhah an ngaih pui thu an sawi.

Thudik tundin duhna leh sual huatna hi Mizo Nationalism laimu a ni a, huaisen taka ram leh Hnam tana penchhuah hi Nationalism kawngpui a ni. Thalai rual heti zat chutiang tingam tura penchhuak Ngam an awm hi a thlamuanthlak an ti.

Rim taka zir a, theihtawp chhuah ten an dikna chanvo tur tihbawrhban sak an ni thin hi India ram kalphung diklo lian tak a ni a. Chu hrichhia chu hmarchhak kilkhawra awmte pawh hian an hua a, ram chhunga bukhuar ve tur atan phei chuan an phal lo bur an ti bawk.

Zirlaite chanvo tihbawrhban kawngah tunnhnaiah MPSC hnuaiah pawh sawi tur a awm nual chu a pawi an ti a, sawrkar hian zirlaite rilru thianghlim tak hmanga thudik tundin an duhna hi hrechiangin thil diklo awmte chhuichiang a, hmala nghal turin an phut a ni.

MNF chuan he punkhawmna hian hmalama Zoram ti eng se, India ram pawh hian Mizoram thalaite chuan sual an hua a, nawmsipbawlna hmanga ram suasam hi n remti ve lo a ni tih hi lo hria se. Sualdo a dikna hmanga Hnam tundinna kawnga hmalatute chu an thlawp zel dawn a ni, an ti.