ZALEN July 24, 2026: Mizo National Youth Front (MNYF) President Gogo Lalremtluanga chuan vawiinah khan FIR leh criminal complaint a theh lut.

Gogo Lalremtluanga chuan kum 10 dawn kal taa dik lo taka puh a nihna, Court-in thiam a chantir tawhna chungchang tun hnaia social media hrang hranga phawrh thar a nih avanga FIR leh criminal complaint hi theh lut a ni.

Court-in thiam a chantir tawh hnuah mi thenkhatin social media-ah thu dik lo an vawrh darh leh chu ngaih zam chi nia a hriat loh thu Gogo Lalremtluanga hian sawiin, dan anga hma lak tul a tih thu a sawi.

MNYF President chuan court hnenah rorelna dik a dil thu sawiin, hetianga hma a lak chhan chu court hmaa thiam chan tawh hnua mi sawi chhiat chu danin a phal lo tih mipui nawlpuiin an hriat chian a duh tih a sawi bawk.

Aizawl Cyber Police Station-ah FIR hi a theh lut a, Chief Judicial Magistrate Court, Aizawlah criminal complaint BNS, 2023 leh IT Act, 2000 hnuaiah a theh lut bawk a ni.