ZALEN December 18, 2025: Mizoram People Forum Annual General Meeting vawi 18-na chu vawiin khan Vanapa Hall-ah neih a ni a, MPF Budget 2026-2027 atan ₹14,18,000/- chu pawm a ni

MPF Annual General Meeting hi hun hniha then niin Chawhma hun hi MPF Vice President Nghaklianmawia'n a kaihruai a, Upa Lalbiakmawia Khiangte in hunserh a hmang a, Rev.Lalramliana Pachuau, General Secretary MPF hnen atangin MPF hmalakna tlangpui report ngaihthlak niin, MPF Budget 2026-2027 atan ₹14,18,000/- chu pawm a ni.

Chawhnu hun hi MPF President Rev. RC Lalnghakliana'n a kaihruai a, MPF President thar Rev John Raldosanga hnenah President nihna a hlan nghal bawk a. 

Annual General Meeting-ah hian Rev.Lallawmthanga, Vice President MPF leh Rev. K. Lalrinmawia te hnen atangin 'MPF hmasawnna tur' leh 'Sawrkar tha nei tura mawhphurhna' tih thupui hmangin thusawi ngaihthlak a ni bawk.

MPF khawmpui-ah hian Governing Board, District Forum, Constituency Forum, Local Forum leh NGO atanga palai ruatte an tel a ni.