ZALEN August 12, 2026 : Vawiin chawhnu dar 1:00 ah khan Chief Secretary Conference Room-ah DP & AR Secretary Udit Prakash Rai kaihhruainain MZP hruaitute, MPSC a harsatna tawk zirlai aiawhte leh MPSC thuneitute an inkawmho.

Inkawmhonaah hian DP & AR Secretary chuan Mizoram sawrkarin MPSC Reform Committee din a nih tur thu sawiin, Chief Minister hnen a thlen tawh thu a sawi.

MZP hruaitute leh MPSC-a harsatna tawk zirlai aiawhte chuan MPSC-a buaina hrang hrang chungchangah ni 2 chhung Peaceful Protest an neih hnu leh ni 3 chhung MPSC pisa kai tur an dan hnuah sawrkar aiawh thuneitute nen inkawmhona neih a ni chu lawmawm an tih thu an sawi.

MZP chuan MPSC Reform Committee dinna Order a chhuah hma chuan August ni 13, 2026 zing dar 9:00 atangin MPSC Pisa kai tur dan chu chhunzawm zel an tum thu an thuchhuah chuan a tarlang.