Aizawl: Nimin chhun dar 12 khan Mission Veng Branch YMA hmalaknaa siam Mission Venga Theipalingkawh Road chu Lt. Col ZS Zuala, MLA-in a hawng. MLA chuan thu sawiin Mission Veng Branch YMA-in mahni vengchhung kawng a siam chu lawmawm a tih thu a sawi a, society tana ropui tak a nih thu a sawi. Theipalingkawh Road-in Aizawl chhung Traffic tawt a tihziaawm a beiseithu sawiin one way a nih avangin one way taka vawn nise a duh thu a sawi bawk. Report-naah chuan kawng siamna turin PWD-in Rs nuai 10 project an siam thu leh Rs 71,000 chauh sanction niin MLA Fund leh MLA hmalaknain Rs nuai 6 hmuh belh a nih thu tarlan a ni a. Metre 270 vela thui Theipalingkawh Road chu Rs 671,000 leh veng chhung mipuite inpekna nasa tak hmangin siam zawh a ni tih report-ah chuan sawi lan a ni.