ZALEN June 06, 2026 : Vawiin khan Mara Thyutlia Py (MTP) Hqrs. ten kumpuan ‘Ruihhlo Do’ beihpui thlakna kalzela thlakhat chhunga ruihhlo an man, cheng 3,387,200/- man tihralna hun MTP Office tualah Social Welfare Minister Lalrinpuii'n a hmanpui.

He hun hi MTP President S. Vabeihasa chuan kaihruaiin Minister chuan tlawmngai pawl hmalakna chu fakawm a tih thu sawiin, Siaha District chu ruihhlo laka a fihlim theih nana theihtawp chhuah zel turin a chah.

Minister chuan dan ang taka damdawi zuar tura sawrkar in phalna a pek pharmacy thenkhat atanga damdawi zawrh phal loh zuarte, licence mumal nei lova ruihtheihthil zuar tawk an awm thin chu pawi a tih thu sawiin chutiang ti thinte chu ti tawh lo turin a ngen a ni.