ZALEN August 5, 2026: Mizo Zirlai Pawl (MZP) General Headquarters chuan Mualṭhuam ‘N’ a an zirlaipui H. Ramdinpuii (k-15) D/o H Lalawmpuia pawl - 10 zirlai chu, vawiin chawhma dar 10:00-a Mualṭhuam ‘N' Middle School hnungah thi a hmuh a ni hi pawi an ti a, hriatthiam har an tih thu thuchhuah an siamah an tarlang.

MZP chuan zirlai duhawm leh midang pawi sawi lo, hma hun eng tak nei, mi kut tuar ngei nia hriata a tualthi hi pawi an ti a, a lungchhiatthlak an ti.

MZP chuan an zirlaipui laka hetiang thil thleng hi en liam mai mai an tum lo a, Dan leh thupek kengkhawhtute’n uluk taka chhui zui a, pawi khawihtu hi zawng chhuak ngei tur leh a nà thei ang bera hremna pe ngei turin an phût a, tun hnuah tiang thil duhawm lo hi thleng tawh lo se an ti a, a kal san tak a chhungkhat lainate MZP GHQ chuan a tawrh pui thu an tarlang bawk.