ZALEN MAY 02, 2026 : Mizo Zirlai Pawl Headquarters Hnahthial chuan tukinah khan MZP Pisa, Bazar veng Hnahthialah khawpui chhunga hnam dang (Vai) awmte chhiarpui an nei a, hnam dang (vai) mi 105 te chu chhinchhiah an ni.

Chhiarpui neih pah hian MZP te chuan Hnam dang (vai) te Inner Line Permit (ILP) endikna a nei nghal a, ILP chu nei ngei ngei tur leh dan ang taka hna thawk tur te, Mizo te nena ṭha taka thawhhona nei tur leh midangte tana hnawksaka awmlo turin MZP chuan a chah a ni.

MZP chuan tun hnaia Mizo hmeichhe chunga mawi lo taka hnam dang chet dan an hriat thu leh ṭha lo an tih thu sawiin, Mizo hmeichhia te lakah MZP chu a thikthu a chhe zel dawn a ni tih an hrilh bawk a, hetiang thil hi MZP in a hre leh a nih chuan na takin action a la tawh dawn a ni, an ti bawk.

MZP chuan hnam dang sponsor-tu te pawh dan dik takin an thawk em tih leh an ILP validity chu ngaipawimawh zual turin an chah bawk a ni.