ZALEN September 16, 2026 : Vawiin khan Home Secretary Vanlalmawia kaihhruaiin a pisa-ah All Mizoram Petroleum Dealers Association (AMPEDA) leh Mizo Zirlai Pawl (MZP) hruaitute chuan tun hnaia harsatna tawh chungchang an sawi ho hnuah, AMPEDA chuan September 17, 2026 (Ningani) atanga Mizoram puma petrol pump khar an tum chu an thulh (call-off).

He meeting-ah hian tun hnaia harsatna tawh mek dante leh a pumpelh dan turte chipchiar taka sawi ho a ni a. Mipui (customer) ten harsatna an tawh loh nan leh mipuite hamthatna a nih zawk nan AMPEDA hian petrol pump khar a tumna hi thiat lehin, ni tin mamawh hnianghnar taka miputen an hmuh chhunzawm zel theih nan hetiang hian thutlukna an siam ta a ni.

Tarlan tawh angin September ni 10 khan AMPEDA chuan thuchhuah siamin an member hnamdang MZP-in pawisa an laksak thu leh an pekkir loh chuan Sept 17 atangin petrol pump khar an tum thu hi an lo sawi tawh a ni.