Aizawl: Mizo Zirlai Pawl chuan Zirtawpni khan Mizo nula Mt.Everest tlang lawn tur Lalrintluangi thlahna hun an hmang. Thlahna hunah hian MZP President Lalsangzuala Ngente chuan, " Zofate aiawhin i lawn dawn a, lawn chhuak ngei turin duhsakna kan hlan che a, kan lo tawngtaipui reng dawn che a ni." a ti. Lalrintluangi chuan,"Mizo mipui ten min phur pui hi ka lawm a, Pathian zarah ka lawn chhuah theih ngei ka ring a ni," a ti. MZP chuan Lalrintluangi hi a tul ang apianga a hman atan Rs. 5,000 a hlan a ni.