ZALEN July 23, 2026 : Mizo Zirlai Pawl (MZP) chuan vawiin chawhma dar 11:00 ah khan district pathum Aizawl, Lunglei leh Serchhip-ah te NEET (UG) 2026 question leak avanga harsatna hrang hrang thleng mek leh zirna kalphung fel fai zawk a awm theihna turte, exam system thianghlim zawk a awm theihna tur leh zirlai rilru thianghlim tak tak te harsatna tawk an awm tawh loh nan Peaceful Protest an nei.

MZP te hian resolution paruk an pass a ni.

1. NEET (UG) 2026 Exam-a Question leak out hi kan dem tak zet a, a thlen nawn tawh loh nan Central sawrkarin hma la nghal rawh se.

2. NEET Question leak out avanga kan zirlaipui nunna chan ta te hi kan tawrhpui tak zet a, sawrkarin zangnadawmna pe ngei rawh se.

3. Exam dan kalphung lang tlang leh tha zawk kan neih theih nan National Testing Agency (NTA) siam that ni rawh se.

4. He thil thleng avanga peaceful protester te chunga Police te tharum thawhna thleng hi kan dem tak zet a, democracy ramah hetiang hi thleng nawn tawh lo se kan duh.

5. Sawrkarin he protest hmahruaitu Sonam Wangchuk, Safdarjung Hospital-a tihluihna hmanga a hreng lui hi kan dem tak zet a, thu tiamkam awm loa chhuah nghal turin kan phut a ni.

6. Mizo Zirlaite himna leh hamthatna atan vawiina Mizo zirlai leh thalai kal khawmte hian lungrual taka thawhho zel ni se kan ti.