ZALEN May 05, 2026 : Mizo Zirlai Pawl(MZP) chuan vawiinah khan Mizoram Board of School Education(MBSE) in Higher Secondary School Leaving Certificate (HSSLC) 2026 result a tichhuah taka Mizo Topper chawimawina hun I&PR Auditorium, Treasury Square ah an nei a, Rural Development & Administration Department changtu Minister Pro F. Lalnilawma chuan khuallian niin a hman pui.

Khuallian chuan MZP-in zirna kawnga tithate chawimawina hun a buatsaih thin chu lawmawm a tih thu a sawi a. Topper-te chu inthlahdah mai lo tura fuihin, sang tak an thlen tawhna chu a aia sang zawk thlen theitu a ni tih hria a, tang mar zual sauh sauh turin a chah. 

Pro F. Lalnilawma chuan vawiin a an thil tawn chu duhthlanna dik an hman vanga an thlen a ni tih hre tel tura chahin, an hma hunah pawh duhtlanna dik pawimawhzia chu hre reng turin a fuih bawk a. Zirlai kalkhawmte chu, mahni zawn theuhvah hmasawn tum a, hlawhtlinna chang chho zel turin duhsakna ka hlan nghal a ni" a ti..

HSSLC 2026-a MIZO TOPPER CHAWIMAWINA HLANTE:

1. Science Stream: Lalmoipuia Lawmzual s/o HL Lawmzuala

2. Arts Stream: Lalnunhlui d/o Lalbiakliana Sailo 

3. Commerce Stream: Vanlaltleipuia s/o Sammy Lalmuanzuala Chhangte