ZALEN May 26, 2026 : MZP chuan tukin zing dar 7:30 atang khan, Commerce & Industries Addl. Director Pension ta, R. Lalrodingi Tourism Director atan a rawih nawnna order sut tura ngenna hmalakna kal zelah, Tourism Pisa kal tur tur an dang chhunzawm.

MZP te chuan nimin May ni 25, 2026 (Thawhtanni) zing dar 7:30 atang khan Tourism Dept pisa kai tur hi an lo dang tawh a, Mizoram sorkarin Tourism Director charge la tura R. Lalrodingi a ruatna order hi sut anih loh chuan naktuk May ni 27, 2026 (Nilaini) Tourism Dept. kawtah, zing dar 7:30 atangin pisa kai tur hi dan leh an tum a ni.

MZP chuan sawrkar atangin thuthar engmah hriat ala awmloh thu sawiin, Mizoram mipui thlawpna nasa tak an dawn avangin lawmthu an sawi a, College zirlai, Hnampual hruaitu zawng zawngte he thil diklo tak dodalna hmunah hian lo tel leh vek tura an sawm thu an tarlang a ni.