Aizawl: PWD, Aizawl Road North Sub Division-III chuan Vaivakawn Zohnuai leiminna lai kawng chhe zual siam that hna an thawh dawn avangin naktuk (Ningani) zing dar 10:00 leh tlai dar 4:00 inkar chhung chu helai kawngpui hi khar/block a ni dawn a, lirthei tlan dan tur a hnuaia mi ang hian Sr. SP Traffic chuan thupek chhuah.

1. City Bus/University Bus: Vaivakawn atangin Middle Kananah pheiin Chawnpui leh Zotlang kaltlangin Chhangurkawnah an chhuak phei ang a. An lo let leh lam chu Luangmual Vengthlang lamah pheiin Ainawn Veng kawngah Hmingmawii Filling Station lamah MINECO leh Khatla lamah an chhuak chho ang.

2. No Parking: Vaivakawn, middle Kanan, Chawnpui, Zotlang - Chhhangurkawn City Bus/University Bus Route turah hian lirthei eng chi mah kawng dungah park phal a ni lo.

3. Two Wheeler leh LMV (407 tel loin):

i) Vaivakawn atangin Seventh day tlang lamah chhoin DM&R Office bul atanga Chawnpui kawnah chhuk thlain Pu Vankhama vengah kawngpui a zuk pawh leh ang a, Zotlang atangin Chhhangurkawn a pawh thla ang.

ii) Tin, Seventh day tlang atangin Zotlang pawhin a chhuk thlak theih bawk ang.

iii) Chhangurkawn lam atangin Zotlang, Chawnpui Vengthlang, Kanan lamah kalin Vaivakawn an kal thei ang.

He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chetvelna a huam lo ang.